just relax and take it easy

am suntig hani meh oder weniger gschlofe und eifacht mal nünt gmacht, usert mis zimmer ufgruumet und putzt und mini wösch gwäsche =) 


am määäntig hend mer de au wieder schuel gha =) und am namitag isch mock speaking exam agseit gsi. das heisst mer hend so wiene hauptprobe gha für üsi richtig prüäfig den. =) juhu und ich hans speaking bestande. hoffe das goht de ade zweite hauptprob und de prüäfig au so =) 
da üsi lehreri am numitag de ned ume gsi isch hend mer üs schön beschäftigt gha =) hehe... üsi klass isch eifacht dr hammer. =) föteli und videos hets uf facebook wers aluege wött =) 


mäntig abig bini de hei und han chli glernt und grelaxt... =) 


de zischtig isch de öppe glich gsi, nur dass mir de am numitag au was gmacht hend ide schuel obwohl d lehreri ned ume gsi isch =) 


gestr hani de nu mit minere gastfamilie alli mini föteli aglueget und ihne de marc, de fabian und julia au mal nu zeiget =) 
und mis gastmami isch hin und weg gsi vum fabian... hehe... 


hüt haaani gaaaanz lang gschlofe. bi üs isch fiirtig. 
remembrance day. da gedenktes de soldate vum erste und em zweite weltchrieg. 
hihi irgendswie bini de ganz tag aso bis am 4i ned dezue chu zum esse willi immer mit kollege am schriebe gsi bin. und de sind mini gasteltere wieder hei chu und de hani natürli schleunigst mössä go esse. sus hetets mi nu umbracht. die findet sus scho ich isse viil zwenig obwohl sie mäschtet mi do. =P 


hüt abig gani nu is kino go christmas carol luege =) hoffe er isch luschtig :P 


sooo und das wär den au min letschte blog iitrag uf schwiizerdüütsch gsi. 
es gilt langsam ernst da in vancouver. mue mi chli uf mini exam vorbereite und da ghört au english writing dezue =) 


soooo looking forward hearing from you =) 


greeeez 

let's have fondue =)

jo die ziiit goht schnell verbii. =( 


am mittwuch sind mer de logischerwiise wieder emal is ceilis -> buck-a-beer ;) 
damiti au fit bi am abig, bini am nomitag nu schnell es stündli hei go pfüüsele... 
leider bini de zspot verwachet und bin erst am 7i (das isch spot fürd kanadier) downtown gsi. woni de bim ceilis achu bin, het scho en verdammti schlange gha vore use. 
natürli hani denkt alli mini kollege sind scho dine... de bini mal d schlange füre glofe und zum glück isch fascht z vorderst halb tamwood gstande und i han mi de au nu chöne dete ine drucke =) 
und für die negschte 1.5-2h sind mer da au a dem ort stoh bliebe... irgendswenn hend mer de doch nu ine dörfe und hend de fetti party gmacht das am marc sind letschte abig gsi isch. 


und den isch de truurig dunschtig chu. schön brav id schuel go lerne und de nuchli hei go pfüüsele und am abig spot am marc go tschüss sege uf de flughafe =( ganz en truurige moment gsi. 


am friitig hani de wie immer schön brav welle id schuel... leider bini nur bis zur commercial station chu woni het selle umstiege, dete isch mer aber zwei mal so schwindlig worde dasi neme han chöne stoh und de hani mi entschiede mich wieder hei zkämpfe. hihi und mini gastmuetter het den en halbi krise bechu, sie het sus scho meeega angst vor de schweine grippe und de chunt no en halbtoti micha hei... sie isch de schleunigst id chuchi grennt und het s merkblatt vu de schweinegrippe gholt und grad mit mine sympton vergliche :P 
zum glück het nur öppis überein gstumme, sus het sie mich sicher no unter quarantäne gesteckt :P 
so bini de, de ganz friitig meh oder weniger am schlafe gsi und am suppe esse =) 


glücklicherwiis ischs mer am samschtig abig wieder chli besser gange und ich bin ready gsi für es schwiizer fondue im the william tell restaurant =) 
isch aso ganz fein gsi. bin de aber nachere schön brav hei gange und die andere schwiizer sind nu chli go fiire =) 


hüt hani nu chli ufgruumt und s zimmer putzt und mini chleider gwäsche :P muess halt au mal sii =) 


ja i vier wuche hani scho mini advanced prüäfig... d ziit goht schnell... drum lerni iz besser no chli. am beste mit dvd oder fernseh luege =) 


sooo da hets nu es paaar föteli =) 


greeeez und bis zum nächste mal ;) 

go canucks go

auf wiedersehen fabian =( 

van von oben =) 

buck-a-beer

=)

let's have fondue =)

und deeessert =) 

time to say good bye

huhu isch iz au scho chli länger her woni s letscht mal drii gschriebe han =) 

ha aber die letschte paar täg mit mine super kollege nu mössä gnüüsse =) 

de fabian und d julia sind scho hei oder wiitergreist =( 

und de marc verloht mi übermorn au nu. 

letscht dunschtig sind mir vier am flogging molly konzert gsi =) hammer gsi. 

isch scho recht abgange =) 

hehe, vorallem de sänger vu de erste vorbänd :P "min traummaa" =) 

am friitig hend mer de halloween gfiiret ide schuel. isch recht luschtig gsi. und mini 3 friends hend all nu graduation gha :P 

am abig sind mer de ab is roxy =) halb tamwood isch dete gsi, natürli all i ihrne kostüm :P 

den isch de halloween tag chu =) de fabian und ich sind de am numitag nu ganz husch go shoppe und nachere, sind mer mit mine mädels go en wohnig aluege =) 

right next to the bc stadium =) hihi und dete isch d eröffnigsfiir vu de olympiade. 

d wohnig isch im 23 stock und mir hend en swimming pool, es fitness center und sauna und so gratis zur verfüegig. 

mini mädels werdet i zwei wuche dete iizieh. i chan leider erst uf de 12. dezember dete iizieh, aber i freu mi scho meega! =) 

am abig sind mer de chli ide granville street umetümplet. die ganz strass isch volle lüüt gsi und alli sind hammer verchleidet gsi! wie bi üs ade fasnacht =) 

suntig bini de numal chli go shoppe mitm fabian und am abig sind mer as canucks spiel. 

bi dem spiel hets 18000 zueschauer gha. aber alli sind still uf ihrem platz ghocket und hend popcorn gesse und bier trunke. aso bimne ice hockey spiel ide schwiiz gohts viiil meh ab :P aber trotzdem ischs dr hammer gsi =) 

nachem spiel hend mer de au nu de phil troffe. de het mit mini 3 friends uf de lodge gschaffet gha =) huhu und er redt sooo schöns british english "i'm lovin it!"

nachemne drink im beavers hend mer de leider scho mössä vu de julie abschied neh, da sie am mäntig morge am 7i mit bus wiiter nach edmonton greist isch =( 

und scho sind die erste träne vergosse worde :P 

mäntig isch de au ganz en truurige tag worde... =( am morge bini ide schuel gsi aber nachem mittag bini gange, da de fabian am numitag abgfloge isch =( (hani sogar nur 2h gschwänzt) =) 

de marc, de armando, de fabian und ich sind de zämä zum flughafe... =( alli sind meeega truurig gsi, dass de fabian eifacht abhaut. =( woner de gange gsi isch sind de scho die zweite träne vergosse worde. wer weiss vielleicht chömet die dritte wenn de marc und de phil am dunschtig au no gönd. 

hüt sind mer nu ufem look out tower im harbour center gsi. hend en wunderbari ussicht uf ganz vancouver gha. 

ah jo und da nu was ganz churzes über seattle: 

mir sind am samschtig morge früäh mitm autöli los gfahre =) a de amerikanische grenze ischs mer de aber scho chli unheimlich worde. mir hend nu mössä de fingerabdrück mache und üs fötele loh... hehe... nachere dere prozedur sind mer de wiiter gfahre bis seattle. =) 

dete sind mer de als ersts gos Safeco stadium aluege, das ischs baseball stadium vu seattle isch meeega spannend gsi. nachem dem sind mer de wiiter zu de Space Needle. 

dete hend mer den en schöni ussicht über ganz seattle gha. und es het sogar öppert ghürote det obe. 

ah ja da chani üch au grad nu bekannt ge, dassi VERLOBT bin =) de marc und ich werdet negscht johr au uf de space needle hürote :P hehe... 

am abig sind mer de wie sichs ghört nu in usgang... =) sogar ich bin id bar inechu. und ha sogar öppis chöne trinke... alles natürli ganz (il)legal :P 

am suntig sind mer de nu id premium outlet mall... die isch de hammer gsi. dete hani mer grad mini alti nüü kamera numal kauft :P hehe... und levi's jeans für 20.- =) usw. 

sooo da sind nu es paar föteli vu de letschte wuche und so... =) 

greeez 

unterwegs nach seattle 

safeco stadium

föteli vum canucks spiel und vancouver chömet de no =) irgendwenn :P 

rent a velooo =)

hüt isch meeeega schön wetter gsi, da in vancouver. 

de sind mer an canada platz abe und hend üs es velo gmietet :P 

leider hend mer nur en stund ziit gha zum de stanely park go erchunde. will nachere 

het d velo vermietig scho zue ta =( 

wie mer halt so sind, die touriste macht mer öppe die mal nu en halt und es föteli =) 

nach öppe 3km sind scho 40 min umegsi.

de hend mer grad nu chli müssä gas ge für die restliche 11km. :P 

und will mer üs ja dete ned würkli uskennt hend, hend mer üs de au nu verfahre :P 

lost in stanely park =) 

leider leider sind mer den au 20min zspot bi de velovermietig gha und die het natürli scho zue gha. 

nur pech isch gsi, das de fabian und ich üse rucksack dete ineglageret hend =) 

zum glück hend mer de aber nu öppert gfunde wo üs de bunker het chöne uf tue und mir hend üsi sache wieder chöne mit neh. =) 

sooo da hani nu paaar föteli vum velotüürli =) 

p.s. mis brichtli über seattle chunt de nu, sobald id föteli han =) 

what a night...

jede mittwuch gits im ceilis pub 1 bier für ein dollar. 

und dem entsprechend isch de amigs sehr viil los dete. 

und natürli isch de au halb tamwood am fiire im ceilis . 

es isch en suuuuper abig gsi =) 

meeega luschtig gsi und mer hüüfe kuuli föteli gmacht. 

wür üch die jetzt gern zeige... aber leider isch mini cam im pub bliebe. 

und den au leider verschwunde... =( 

micha ganz traurig über den schweren verlust. 

mal luege vielleicht gits ide outlet mall in seattle es guets schnäppli. =( 

gestr isch nu mini kollegin chrank worde =( aso eich ned würkli viel gueti news us van.

sie mue jetzt en wuche diheime bliebe. 

bis nögscht mal und de hoffentlich mit bessere news =) 

10 days later

und ich lebe immernu =) 

ide erste paar täg hani doch scho viiles gseh =) 

am erste wuchenende hend mer da thanksgiving gfiirte =) was ganz luschtig gsi isch. 

d verwandte vu de gastfamilie sind all chli dureknallt, aber super zweg gsi =) 

natürli hend mer sone feine truthahn gmacht. han auch chöne helfe, aber ha ned so möge will i nu müed gsi bin vum flüge und ziitumstellig und so. 

de hani jetzt au scho es paar täg schuel hindr mir. s lauft eigentlich recht guet. 

de unterricht isch abwechsligsriich und mir hend en luschtigi klass :P 

letscht mäntig hend mer es spieli gmacht, de isch mer bestraft worde, wenn mer d präposition falsch gha het. isch ganz luschtig gsi. 

mer het zum biispiil mösse die erst strophe vu de nationalhymmne summe, oder es tier oder en filmtitel phantomimisch darstelle :P 

oder de philipp und ich hend nu mösse mitm stift im muul üse name schriebe. was de öppe so usgseh het :P 

am weekend sind mer im scienceworld (chlines technorama) und im BC Sports Hall of Fame gsi. dete hend mer nu chli öppis über die kanadische sportgschicht chöne lerne =) 

Natürli sind mer au scho im usgang gsi. jede mittwuch gahts ab is Ceilis (goni de nachere au nu =) ) und am samschtig sind mer im roxy gsi. paaaaardy paaardy paaaaaaaardy =) 

van downtown

tamwood school

soooo iz mueni go znacht esse und mich de für de usgang paarat mach =) 

cuu

Mini erste paar Täg =)

Hellou zäämä =) 


soooo, hans au nu gschaffet en blog z mache =) 
wird iz immer echli brichte was da in kanada so passiert und wies mer goht =) 


bis iz ischs aso meeega kuul. 


mini gastfamilie, d marta, de frank und de lorenzo sind meega lieb. 
esse chani da meeega guet =) wirde fascht voll gstopft demit :P immer schöpfets nochli meh und noch chli meh :P 
und wenni amigs in usgang gange, hends meeega angst um mich. de wartets immer bisi wieder diheime bi. 
gfindi abr chli blöd. 


d schuel isch au super. meeega streng, aber es het meega kuuli lüüt. 
han sogar scho kollege gfunde =) 
d julia, de marc und de fabian =D super lüüt =) 
bi eich immer mit ihne undrwegs. und gange au mit ihne uf Seattle, das weekend =) 


jo wirde üch so all zwei täg oder so mit news us vancouver ufem laufende halte =) 


lg micha